Azərbaycan Respublikasının Prezidenti yanında
Dövlət Qulluğu Məsələləri üzrə Komissiya

Komissiyanın sədr müavini Koreya Respublikasında səfərdə olmuşdur
21-06-2016

2016-cı il 9-10 iyun tarixlərində İnformasiya və Kommunikasiya Texnologiyasının İnkişafı üzrə BMT-nin Asiya və Sakit Okean üzrə Təlim Mərkəzinin (UN-APCICT) təşkilatçılığı ilə Koreya Respublikasının İnçeon şəhərində “İKT sahəsində insan potensialının inkişafı” mövzusunda regional forum təşkil olunmuşdur. Forumun keçirilməsində məqsəd İKT sahəsində dayanıqlı inkişafın təmin olunması üçün həyata keçirilməsi labüd olan tədbirlərin müzakirə edilməsi, iştirakçı dövlətlərin İKT sahəsində gördükləri işlər, əldə etdikləri uğurları bölüşdürmək, fikir mübadiləsi aparmaq, İKT sahəsində insan potensialının təkmilləşdirilməsi üçün əməkdaşlığın gücləndirilməsi və Təlim Mərkəzinin yeni “Qadın və İKT təşəbbüskarlığı” (WIFI) proqramının iştirakçılara təqdim edilməsi olmuşdur. Proqramın əsas məqsədi sahibkar qadınların İKT üzrə bilik və bacarıqlarının inkişaf etdirilməsi, bunun üçün dövlət və hökumət rəhbərləri tərəfindən qadınlara lazımi şəraitin yaradılmasının təmin edilməsindən ibarətdir. Forumda Təlim Mərkəzi ilə əməkdaşlıq edən ölkələrin nümayəndələri, özəl sektorun, beynəlxalq təşkilatların, QHT-lərin, elm və təhsil mərkəzlərinin nümayəndələri iştirak etmişlər.

Ardını oxu

  • Komissiyanın sədr müavini Qazaxıstan Respublikasında səfərdə olmuşdur
    30-05-2016

    Qazaxıstan Respublikasının paytaxtı Astana şəhərində keçirilən Astana İqtisadi Forumu çərçivəsində 2016-cı il 25 may tarixində İnformasiya və Kommunikasiya Texnologiyasının İnkişafı üzrə BMT-nin Asiya və Sakit Okean üzrə Təlim Mərkəzinin (UN-APCICT) təşkilatçılığı ilə dəyirmi masa təşkil olunmuşdur.Dəyirmi masanın keçirilməsində əsas məqsəd İKT sahəsində iştirakçı dövlətlərin təcrübələri ilə tanış olmaq, dövlət qulluğunun və dövlət idarəçiliyinin inkişafı istiqamətində tətbiq oluna biləcək informasiya texnologiyaları ilə bağlı təkliflər vermək və bu təkliflərin tətbiqi perspektivlərinin müzakirə olunması və informasiya texnologiyalarının dövlət qulluqçularının potensial quruculuğunun təkmilləşdirilməsində rolu barədə fikir mübadiləsi aparmaq, həmçinin Təlim Mərkəzinin “Dövlət qulluğunda rəhbər vəzifəli şəxslər üçün İKT Akademiyası” proqramının tətbiqi ilə bağlı müzakirələrin aparılmasından ibarət olmuşdur.

    Ardını oxu

  • Komissiyanın nümayəndəsi beynəlxalq konfransda iştirak etmişdir
    13-05-2016

    10 may 2016-cı il tarixdə İordaniya Həşimi Krallığında Avropa İttifaqı və İqtisadi Əməkdaşlıq və İnkişaf Təşkilatının (OECD) SİGMA (Rəhbərlik və idarəetmədə təkmilləşdirməyə dəstək) proqramının təşkilatçılığı ilə “Dövlət idarəçiliyinin prinsipləri: Avropa Qonşuluq Siyasətinə qoşulmuş ölkələr üçün əsas başlanğıclar” mövzusunda regional konfrans keçirilmişdir. Konfransın əsas məqsədi SİGMA proqramı tərəfindən hazırlanmış “Dövlət idarəçiliyi prinsipləri”nin təqdim edilməsi, islahatların layihələndirilməsi və həyata keçirilməsi, həmin prinsiplər əsasında aparılan islahatların nəticələrinin qiymətləndirilməsinə dair metodoloji vəsaitin təqdim edilməsi, həmçinin iştirakçı ölkələrdə dövlət idarəçiliyi sahəsində davam edən islahatlar, bu sahədə əldə edilmiş nailiyyətlər və qarşıya çıxan çətinliklərlə bağlı təcrübənin öyrənilməsindən ibarət olmuşdur.

    Ardını oxu

ELEKTRON XİDMƏTLƏR
TEST İMTAHANINI ONLAYN İZLƏMƏ

Virtual Qarabag